مناقب امام زمانہ عجل اللہ تعالیٰ فرجہ الشریف

گلِ نرجس( عج)

ضیاء الافاضل مولانا سید غافر رضوی

میں بن جاؤں دربانِ دہلیزِ زہرا

انہیں تم مٹانے کی کوشش نہ کرنا

ہیں بنتِ نبی کی دعا سارے شیعہ

ہمارا شرف ہے انہیں کی غلامی

عقیدت سے دل ان کو کرتا ہے سجدہ

جو خضرا کی وادی میں نرجس کا گل ہے

وہ     مولا      ہمارا      وہ     آقا    ہمارا

اگر دل میں الفت ہو آلِ نبیؐ کی

یہی آخرت کا بنے گی ذخیرہ

خدا کی قسم گر ولا ہو نہ ان کی

تو اندھیر دنیا، اندھیری ہے عقبیٰ

ہلاکت ہے اولادِ زہراؑ سے دوری

ہے ان سے تمسک بقا کا وسیلہ

قسم تیری عظمت کی تجھ کو خدایا

دکھادے ہمیں اپنی رحمت کا جلوہ

یا وادیِّ خضرا میں پہنچادے ہم کو

یا پانی پہ دکھلادے ان کا مصلیّٰ

وظیفہ گلِ نرجسی ہے ہمارا

وہ خوشبو سے جس کی معطر ہے دنیا

تمنا ہے غافر یہی اب ہماری

ہو نزع کے عالم میں دیدارِ مولا

نوحہ

میرا بھائی نہ رہا

ضیاء الافاضل مولانا سید غافر رضوی

نوحہ

ماں کے گلِ تر قاسم ؑ

ضیاء الافاضل مولانا سید غافر رضوی

نوحہ

ہنسلیوں والے اصغرؑ

ضیاء الافاضل مولانا سید غافر رضوی

اے مرے لال مرے ہنسلیوں والے اصغر

اپنی مادر کو کیا کس کے حوالے اصغر

تیرے قاتل کے مرے لال! کیا اولاد نہ تھی

کمسنی میں جو چبھوئے ترے بھالے اصغر

خشک تھا تیرا گلا تیرِ ستم جب کھایا

آ تری دائی تجھے دودھ پلالے اصغر

کس طرح جلتی ہوئی ریت پہ نیند آئے گی

میرے گلفام! مرے نازوں کے پالے اصغر

بِن ترے زندہ نہ رہ پاؤنگی میرے بیٹا!

پاس اپنے ہی تو مادر کو بلالے اصغر

گود خالی ہے مری سونا ترا گہوارہ

تجھ کو ڈھونڈوں میں کہاں گود کے پالے اصغر

بِن ترے سارا جہاں لگتا ہے اندھیر مجھے

اچھے لگتے نہیں اب مجھ کو اجالے اصغر

تیرے مرنے سے ستاروں کی چمک ختم ہوئی

اے مرے چاند! مرے گھر کے اجالے اصغر

تیری رودادِ الم کرتا ہے غافر تحریر

اپنے روضے پہ اسے جلد بلالے اصغر

***

مناقب ابو طالب علیہ السلام

ابوطالبؑ کا ایمان

ضیاء الافاضل مولانا سید غافر رضوی

کیا جب سے معین مدح کا عنوان، ابوطالب

تبھی سے ہوگئے گھر میں مرے میہماں ابوطالب

قلم کاغذ پریشان، فکر ہے حیراں ابوطالب

قوافی ڈھونڈھنے میں ہیں یہ سرگرداں ابوطالب

تمھارے ساتھ جب سلمانؒ کے ایمان کو پرکھا

رہا سلماں پہ بھاری آپ کا ایماں ابوطالب

تمھارے فضل سے جو شخص بھی آنکھیں چراتا ہے

وہ انسانی لبادہ میں ہے ایک شیطاں، ابوطالب

ہیں غوّاصانِ بحرِ علم بھی حیراں، ابوطالب

وہ گوہر ہیں تمھاری ذات میں پنہاں ابوطالب

کبھی آیت کبھی سورہ کبھی پارے کی صورت میں

دیئے امت کو تم نے بولتے قرآن ابوطالب

تمھاری مدح سے جو جان کر انجان بنتا ہے

رہے گا حشر کے میداں میں وہ نالاں، ابوطالب

قسم اللہ کی، اس کے مقدر میں ہلاکت ہے

تمھاری آل سے جو بھی ہے روگرداں ابوطالب

جبیں سجدہ میں ہو دل میں تمھاری آل کی الفت

ہے بخشش کے لئے کافی یہی ساماں ابوطالب

مدینہ ہو، عراق و شام ہوں وہ یا کہ ایراں ہو

تمھارے نور سے رہتے ہیں ضوافشاں ابوطالب

ہماری قبر نورانی کریں تنویرِ ایماں سے

تمھارے عادشقوں کا ہے یہی ارماں ابوطالب

کہا:خاموش کانے!، ذوالعشیرہ جیسی دعوت میں

ولایت کا کیا یوں آپ نے اعلاں ابوطالب

ابوطالب کے ایماں کے لئے کافی ہے یہ جملہ

 یقیناً ہیں ستونِ پیکرِ ایماں ابوطالب

جو دل کے اندھے ہیں کیسے وہ دیکھیں گے بھلا غافر

ہے سورج سے بھی روشن آپ کا ایماں ابوطالب

***

ایمان ابوطالبؑ

ضیاء الافاضل مولانا سید غافر رضوی

مقدر سے ہوا جو بھی ثناخوانِ ابوطالب

رہیگا ہاتھ میں اس کے ہی دامانِ ابوطالب

قسم محشرکی! محشر تک اٹھاسکتا نہیں سر کو

ہے دینِ احمدی پہ اتنا احسانِ ابوطالب

محمدؐ اور علیؑ و فاطمہؑ، شبیرؑ اور شبرؑ

نمازِ عشق کے پانچ ارکانِ ابوطالب

اگر پھیلائو تو بطحا سے ایراں تک نظر آئیں

سمیٹو گر، تو رہ جائے فقط جانِ ابوطالب

وفا گر سیکھنی ہو حضرت عباسؑ سے سیکھو

بصیرت سے پڑھو پھر۔ عہدوپیمانِ ابوطالب

مجاہد آپ کو تاریخ میں مل جائیں گے اکثر

مگر میداں کا فاتح، نورِ چشمانِ ابوطالب

اگر گمراہوں کو ہوجائے عرفانِ ابوطالب

سمجھ میں خود بخود آجائے ایمانِ ابوطالب

نجاست کفر کی، ان کے قریں کس طرح آئے گی

طہارت کے احاطہ میں ہے ایوانِ ابوطالب

نفاق و کفر کی ظلمت، نہ مانی ہے نہ مانے گی

نمایاں شمس سے زیادہ ہے ایمانِ ابوطالب

پرکھنا ہو اگر ایماں، اتارو بغض کی عینک

پڑھو اخلاص کی آنکھوں سے دیوانِ ابوطالب

ابوطالب نے رامائن پڑھی ہے یا کوئی گیتا؟

الگ ہے یا کوئی قرآن، قرآنِ ابوطالب؟

رضی اللہ کہنے سے خدا راضی نہیں ہوگا

بنی ہے مرضی معبود رضوان ابوطالب

جناں میں بیٹھنا غافر، ابوطالب کے قدموں میں

تمھارا ہوگیا مقبول، عنوانِ ابوطالب

***

مناقب قرآن کریم

ابدی معجزہ

ضیاء الافاضل مولانا سید غافر رضوی

اس لئے حافظ محافظ ہے خدا قرآن کا

تاکہ دشمن سے بچائے زائچہ قرآن کا

لاکھ کوشش کیجئے جودوسخا چھپتی نہیں

کر رہا ہے بڑھ کے اعلاں، ہل اتیٰ قرآن کا

کیسے ہوجائے کتاب اللہ عترت سے جدا

مدحت عترت سے ہی چہرہ بنا قرآن کا

کیا ستائے گی تپش ہم کو بروز حشر کی

ساتھ میں عترت کے گر، سایہ رہا قرآن کا

اک حسینی اس کو کیسے بھولے جبکہ شاہؑ نے

نوکِ نیزہ سے بتایا مرتبہ قرآن کا

مرکزِ پاکیزگیِ رب بنی آل نبیؐ

ہے حقیقت پر گواہی انّما قرآن کا

ہے یہ دعویٰ اسمیں ہراک خشک و تر موجود ہے

آج تک یہ ادّعا سچّا رہا قرآن کا

آج تک کوئی صحیفہ مل نہیں پایا حضور

جو تقابل کرسکے بڑھکر ذرا قرآن کا

مختصر سورہ کے آگے جب یہ عاجز رہ گئی

  کیسے دنیا لائے ہم پلّہ بھلا قرآن کا

ختم غافر، ہوگئیں توریت و انجیل و زبور

تا ابد باقی رہے گا معجزہ قرآن کا

***

مناقب معصومۀ قم سلام اللہ علیہا

شہرِقم

ضیاء الافاضل مولانا سید غافر رضوی

میں شریعت کے لالہ زارمیں ہوں

آلِ اطہار کے دیار میں ہوں

بھیک شاہوں کو دوں تو حیرت کیا

قم کی شہزادی کے جوار میں ہوں

جب سے آیا ہوں شہرِ رحمت میں

مستقل موسمِ بہار میں ہوں

شہرِ قم میں قیام ہے غافر

گویا جنت کے سبزہ زار میں ہوں

***

مناقب حضرت خدیجہ سلام اللہ علیہا

خدیجہؑ، دین کا آسرا

ضیاء الافاضل مولانا سید غافر رضوی

مادرِ ھل اتیٰ خدیجہ ہے

مقصدِ انما خدیجہ ہے

یہ نہ ہوتی تو دین مٹ جاتا

گویا دیں کی بقا خدیجہ ہے

اس کی ممنوں ہے کل شریعت بھی

پائے دینِ خدا خدیجہ ہے

ملکہ ہوکے بھی سادگی اتنی

سادگی کا پتہ خدیجہ ہے

اس کی گودی میں عصمتیں کھیلیں

عصمتی دہکدہ خدیجہ ہے

خود تو معصوم یہ نہیں لیکن

محورِ قل کفیٰ خدیجہ ہے

یوں کیا عصمتی سفینہ رواں

گویا کہ ناخدا خدیجہ ہے

فضہ اس کا ہی اک نمونہ بنی

حکم رب کا دیا خدیجہ ہے

سیرتِ فاطمہؑ نے بڑھ کے کہا

پیکِ شرم وحیا خدیجہ ہے

ایک جملہ میں یوں کہو غافر

دین کا آسرا خدیجہ ہے

***

کردارِ خدیجہؑ

ضیاء الافاضل مولانا سید غافر رضوی

منکر کو جو ہوجائے اقرار خدیجہؑ کا

ہو مدح سرا وہ بھی ہربار خدیجہ کا

نانی ہیں امامت کی، مادر ہیں یہ عصمت کی

کم ظرف نہ سمجھے گا معیار خدیجہ کا

ناصر ہیں رسالت کی، حامی ہیں شریعت کی

اکرام یوں کرتے ہیں سرکار، خدیجہ کا

ہرآن شریعت کے رستہ پہ رہو قائم

دنیا کو سکھاتا ہے ایثار خدیجہ کا

تاریخِ خدیجہ سے لگتا ہے یہی غافر

تقلید کے قابل ہے کردار خدیجہ کا

***